لە یارییەکانی گەڕی 16ی خولی نایابی ئینگلتەرا، یانەی لیڤەرپوول لە یاریگای خۆیدا ڕووبەڕووی فولهام بوویەوە.
لە کۆتاییدا یارییەکە بە یەکسانی و بە دوو گۆڵ بۆ هەرلایەکیان کۆتاییهات و ڕێدز دوو خاڵی لەدەستدا.
هەر لە تایمی یەکەمدا یاریێکی بەهێز و گەرم گۆڕ بینرا و لە خولەکی 11دا فولهامی میوان گۆڵێکی لەڕێگەی یاریزان پێرێرا تۆمارکرد،
دوای ئەوە ناوبژیوان لە خولەکی 17 دا یاریزان رۆبێرتسۆنی یاریزانی لیڤەرپوولی بە کارتی سور کردە دەرەوەی یاریگا.
لە سەرەتای تایمی دووەم و دوای تێپەڕینی دوو خولەک گاکپۆ ئەنجامەکەی یەکسانکردەوە، بەڵام فولهام لە خولەکی 76 لە رێگەی مونێز دووبارە پێشکەوتەوە، رێدز خۆی بەدەستەوە نەدا و لە خولەکی 86 دیگۆ جۆتا ئەنجامەکەی هێنایەوە خاڵی دەستپێک.
لە یاریێکی تری دیکەی ئەمشەوی پرێمەرلیگ، یانەی ئارسناڵ لە یاریگای خۆیدا بەرامبەر ئیڤەرتۆن بوویەوە، هەروەها ئەو یارییەش بە یەکسانی و بەبێ هیچ گۆڵێک کۆتاییهات و ئارسناڵیش دوو خاڵی لەدەستدا.
بەم ئەنجامانە، یانەی لیڤەرپوول بە کۆکردنەوەی 36 خاڵ هەر لە پێشەنگی ڕیزبەندی مایەوە و ئارسناڵیش بە 30 خاڵ لە پلەی سێیەم دێت.