لە یاریێکی تری قۆناغی چارەکی کۆتایی جامی کاراباو، یانەی لیڤەرپوول و ساوسهامپتۆن لە یاریگای ست ماریس بەیەکگەیشتن.
لە ئەنجامدا ڕێدز توانی بە دوو گۆڵ بەرامبەر بە گۆڵێک لە ساوسهامپتۆن بباتەوە و بگاتە قۆناغی داهاتوو.
لە تایمی یەکەمدا لیڤەرپوولی میوان باشتر بینرا و ئاستێکی بەرزی پێشکەشکرد، هەربوویە توانیان دوو گۆڵ لە خولەکەکانی 24 و 32 لە ڕێگەی یاریزانان داروین نونێز و ئیلیۆت تۆمارکرد.
لە تایمی دووەم، هەردوو یانە دەستیانکرد بە هەوڵەکانیان و هەرچەندە ساوسهامپتۆن گۆڵێکی لە خولەکی59دا لەلایەن کامیرۆن ئارچەر تۆمارکرد، بەڵام تا کۆتایی یارییەکە هیچ گۆڵێکی تر نەبینرا و یارییەکە بەو شێوەیە کۆتاییهات.
بەم ئەنجامەش یانەی لیڤەرپوول گەیشتە قۆناغی داهاتوو و ساوسهامپتۆنیش ماڵئاوایی کرد.