ڤۆلۆدیمیر زێلێنسکی، سەرۆکی ئۆکرانیا دەڵێت، زیاتر لە سێ هەزار سەربازی کۆریای باکوور لە ناوچەی کورسک لە هێڵی پێشەوەی ڕۆژئاوای ڕووسیا کوژراو و برینداربوون، ویڕای نیگەرانی بەوەی کۆریای باکوور بە مەبەستی تۆڵەسەندنەوە هێزی زیاتر رەوانە بکات.
زێلێنسکی لە سەکۆی کۆمەڵایەتیی ئێکس پەردەی لەسەر ئەمە لادا، ژمارەیەکی زۆر زیاترە لە خەمڵاندنی کۆریای باشوور کە ئاماژە بە کوژران و برینداربوونی نزیکەی 1100 کوژراو و برینداری کۆریای باکووری داوە.
ناوبراو بە پشتبەستن بە ڕاپۆرتێک لە ئۆلیکساند سیرسکی فەرماندەی باڵای سەربازی ئۆکرانیاوە، گوتی: بە پێی زانیارییە سەرەتاییەکان، ژمارەی کوژراو و بریندارانی کۆریای باکوور لە ناوچەی کورسک هەتا ئێستا لە سێ هەزار سەرباز تێپەڕیوە.