مباپێ بەهۆی خراپی ئاستەکەی لەم وەرزە لەگەڵ یانەی ڕیال مەدرید ڕەخنەی زۆری لێدەگیرێت.
بەپێی ڕۆژنامەی “مارکا”ی ئیسپانی، مباپێ دوای یارییەکەی سیڤیلیە ڕایگەیاندووە، لە ماوەی هەفتەکانی ڕابردوودا درکی بەوە کردووە کە لە دۆخێکی خراپدایە و خۆی نییە.
دووپاتیشی کردەوە کە قەرزاری یانەی ڕیال مەدریدە بەتایبەتی هاندەران و فلۆرێنتینۆ پێرێزی سەرۆکی یانەی ڕیال مەدرید کە ڕۆڵی سەرەکی لەم گرێبەستەدا هەبووە.
مباپێ ئاماژەی بەوەشکرد، ئەو لێدانە سزایانەی لەدەستچووە، بەتایبەتی دووەم لێدانی سزا بەرامبەر بلباو لە سان مامێس، کاریگەرییەکی زۆری لەسەر بووە، بەڵام پێش ئەوە درکی بەوە کرد کە دەبێت گۆڕانکاری بکات و وتی: دەمەوێت لە ساڵی ٢٠٢٥دا نازناوەکان بەدەستبهێنم.