وەزارەتی خوێندنی باڵا ئاماری دەرچوانی (سێییەکەمەکان) و (بەشە پزیشکییەکان) و (هەڵگرانی بڕوانامەی باڵا) بۆ ڕەشنوسی بودجەی خەمڵێنراوی ساڵی (٢٠٢٦) ئامادە دەکات
لە گشتاندنێکدا کە ئەمڕۆ یەکشەممە ئاراستەی گشت زانکۆ و دامەزراوەکانی خوێندنی باڵا لە هەرێمی کوردستان کراوە، وەزارەتی خوێندنی باڵاو توێژینەوەی زانستی زانکۆکان ڕادەسپێرێت لە ماوەی یەک مانگدا ئاماری گشتی دەرچوانی (سێیەکەمەکان) و دەرچوانی (پزیشکی گشتی تەندروستی و پزیشکییەکان) هەڵگرانی بڕوانامەی (باڵا) ئەوانەی تاکو ئێستا دانەمەزراون بۆ ساڵانی (٢٠١٧-٢٠١٨) تاکو (٢٠٢٤-٢٠٢٥) بۆمان ڕەوانە بکەن، بۆ ئەوەی لە پێویستی میلاکات و ڕەشنوسی بودجەی خەمڵێنراوی ساڵی (٢٠٢٦) جێگەی بۆ بنکرێتەوە.