بۆ كۆچی دوایی هاوسه‌ری عارف ته‌یفور، مەکتەبی سیاسیی پارتی دیموکراتی کوردستان پرسەنامەیەکی راگه‌یاندز
ئه‌مه‌ش ده‌قه‌كه‌یه‌تی:
بۆ / هەڤاڵی بەڕێز کاک ( عارف تەیفور)
بە داخ و پەژارەیەکی زۆرەوە هەواڵی کۆچی دوایی هاوژینی بەڕێزتان خاتوو(نەسرین خانی شێخ عەبدولقادری سەید ئەحمەدی خانەقا)مان بیست، بە خەمناکییەوە پرسە و سەرەخۆشیی خۆمان و کۆمیتەی ناوەندیی پارتیمان ئاراستەی بەڕێزتان و کەسوکار و بنەماڵە تێکۆشەرەکەتان دەکەین و، خۆمان بە هاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵان و دۆست و ئازیزانتان ببێتە مایەی سەبووری و ئارامگرتنتان و لە خەم و خەفەتتان کەم بکاتەوە، دووبارە پرسە و سەرەخۆشیی خۆمان دووپات دەکەینەوە، داواکارین لە خوای گەورە خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بگرێت .
مەکتەبی سیاسیی پارتی دیموکراتی کوردستان
٢٩ی کانوونی یەکەمی ٢٠٢٤