ئایەتوڵڵا مەهدی شەبزیندەدار، ئەندامی فەقیهەکانی شورای نیگەهبان و سکرتێری ئەنجومەنی باڵای حەوزە عیلمیەکان، لە وانەی فیقهی خۆیدا لە مزگەوتی گەورەی قوم گوتی لەوانەیە ئەو دۆخەی لە سوریا ڕوویدا لە ئێرانیش دووبارە ببێتەوە.
ئەم مەلایەی سەر بە دەستەڵاتی کۆمای ئیسلامیی ئێران ڕووبە بەرپرسانی حکومەتی وڵاتەکەی گوتی: وریا بن و سەرنج بدەنە “بەرنامەکانی دوژمن کە بە شێوەیەکی هێواش و نهێنی بیروباوەڕ و هەستی خەڵک دەخەنە ژێر کاریگەرییەوە.”
ئایەتوڵڵا شەبزیندەدار جەختی کردەوە: “لەوانەیە لە ئەنجامی بێ‌ئاگایی بەرپرسان و گروپێک لە خەڵک، کار بگەینە ئاکامێکی وەک ئەوەی لە سوریا دیتمان.”