خۆزێ مۆرینهۆی پرتوگالی ڕاهێنەری یانەی فەنەربەخچە لە نوێترین لێدوانیدا نهێنیەکی گەورەی درکاند سەبارەت بە نێوانی خۆی و فلۆرێنتینۆ پێرێزی سەرۆکی یانەی ڕیال مەدرید کە کاتەکەی ساڵی 2013 بووە.
مۆرینهۆ دەیگێڕێتەوە دوای دوای دەرکرانیان لە قۆناغی پێش کۆتایی چامپۆنزلیگی 2013 بەرامبەر دۆرتمۆند پێرێز داوای لێکردوە لە ڕیال مەدرید بمێنێتەوە چونکە هێشتا باشترین یاریزانەکان نەهاتوونە ڕیال،بەڵام مۆرینهۆ ڕەتیکردۆتەوە.
وە لە بەردەوامی قسەکانیدا مۆرینهۆ دەڵێت زۆر پەشیمانە لەو بڕیارەی ئەو کاتە داویەتی،بەڵام تازە کات ڕۆییوە و ناگەڕێتەوە،مۆرینهۆ لە 2010 تاکو 2013 ڕاهێنەری ڕیال مەدرید بووە و خولی ئیسپانی و جامی شای ئیسپانیا و جامی سوپەری ئیسپانیای لەگەڵ مێرێنگی بەدەست هێناوە.