قەتەر ڕایگەیاند، ئیسرائیل و حەماس لەبارەی ئاگربەست لە غەززە و ئاڵوگۆڕی دیلەکان گەیشتنە ڕێککەوتن و ڕێککەوتنەکەش لە ڕۆژی یەکشەممەوە دەچێتە واری جێبەجێکردنەوە.
سەرۆکوەزیران و وەزیری دەرەوەی قەتەر محەمەد بن عەبدولڕەحمان ئال سانی لە کۆنگرەیەکی ڕۆژنامەوانیدا کە لە دۆحەی پایتەختی قەتەر ئەنجامی دا، لەبارەی ڕێککەوتنی ئاگربەست لە غەززە و ئاڵوگۆڕی دیلەکان لە نێوان ئیسرائیل و حەماس زانیاری دا.
بە پێی قسەکانی ئال سانی، دوو لایەن لەسەر ئاڵوگۆڕی دیلەکان، ئارامی لە ناوچەکە و ئاگربەستی هەمیشەیی لە غەززە ڕێککەوتن و ڕێککەوتنەکەش لە ڕۆژی یەکشەممەوە دەچێتە واری جێبەجێکردنەوە.
ئال سانی ڕایگەیاند، لە قۆناغی یەکەمی ڕێککەوتنەکەدا کە ٤٢ ڕۆژ دەخایەنێت، حەماس ٣٣ دیلی ئیسرائیلی ئازاد دەکات و لە بەرامبەردا ژمارەیەک لە دیلە فەڵەستینییەکان ئازاد دەکرێن.
ڕێککەوتنی نێوان ئیسرائیل و حەماس دوای هێرشی ئیسرائیل لە ٧ی تشرینی یەکەمی ٢٠٢٣ بۆ سەر غەززە دێت کە ٤٦٧ ڕۆژی خایاند و بووە هۆی کوژران و برینداربوونی ١٥٦ هەزار کەس.