یەکشەممە، 26ـ1-2025، عێراق و ئێران لە سنووری شەلەمچە لە بەسرە، ڕووفاتی 60 سەربازیان ئالوگۆڕکرد، کە هی سەردەمی شەڕی عێراق و ئێران بوون
بەگوێرەی میدیاکانی ناوخۆ، ئەمە 81ـەمین قۆناغی ئاڵوگۆڕکردنی ڕووفاتەکانە لە نێوان عێراق و ئێران، ئاماژەیان بەوەش داوە، “ئێران پاشماوەی 41 ڕووفاتی وەرگرتووەتەوە کە 16یان ناسراوەتەوە و 25 ڕووفاتشیان نەناسراونەتەوە.”
لەبەرانبەردا عێراق ڕووفاتی 21 کەسی وەرگرتەوە، کە تەنیا یەک ڕووفات ناسراوەتەوە و 20 ڕووفاتەکەی دیکە، ناسنامەیان نەناسراوەتەوە، هاوکات ئاڵوگۆڕەکە بە سەرپەرشتی لیژنەی خاچی سووری نێودەوڵەتی لە دەروازەی شەلەمچە لە ڕۆژهەڵاتی پارێزگای بەسرە کراوە.