ئه‌ڤرۆ ب گوژمێ پینج ملیار و ٢٥٠ ملیون دیناران چه‌ندین پڕۆژه‌یێن خزمه‌تگوزاری بۆ چه‌ندین گوند و كۆمه‌ڵگه‌هـ و ناحیێن سه‌ر ب قەزا ئامێدیێ ڤه ڕه‌وانه‌ی قوناغا بجـهئینانێ كرن.
د. عەلی تەتەر، پارێزگاری دهۆکێ دیار کر كۆ پڕۆژێن ئه‌ڤرۆ هاتینه ڕاوه‌ناكرن پێكدهێن ژ پڕۆژێن چێكرن و قێركرن و سه‌خبێركرن و ته‌مامكرنا چه‌ندین جاده‌یان دگه‌ل پڕۆژێن سه‌خبێركرنا پرێن پیادە و ڕۆناهیكرنا چه‌ندین جادده‌یان و راکێشانا کەهرەبێ و دابینکرنا تورێن ئاڤا ڤەخوارنێ.
تەکەز کر، ئه‌ڤه دده‌مه‌كیدا كۆ ل حه‌فتیێن ده‌ربازبوی و د چارچوڤێ به‌رنامێ به‌رده‌وام یێ ئاڤه‌دانیێ دا مه ب كۆژمێن جوداجودا چه‌ندین پڕۆژێن دی یێن خزمه‌تگوزاری بۆ سه‌رجه‌م قه‌زا و ناحیە و كومه‌لگه‌هـ و ده‌ڤه‌رێن جودا ل سنورێ پارێزگه‌ها دهوكێ ڕه‌وانه‌ی قۆناغێن ب جهـئینانێ كرینە.