پارێزگای هەولێر لە ڕاگەیاندراوێكدا ئاماژە بەوە دەدات، لە چوارچێوەی گرنگیدان بە کەرتی گەشتیاری، لە چیای سەفین پڕۆژەیەکى گەورەى گەشتیاری جێبەجێ دەکرێت.
ئەمڕۆ یەكشەممە 16/2/2025، پارێزگای هەولێر ڕاگەیاندراوێكی بڵاو كردووەتەوە و ئاماژەی بەوە داوە: “لە چوارچێوەی گرنگیدان بە کەرتی گەشتیاری، لە بەرنامە و پلانى حکوومەتى هەرێمى کوردستاندایە بە گوژمەى یەك ملیار دۆلار، پڕۆژەیەكی گەورەى وەبەرهێنانی گەشتیاری لە چیای سەفین جێبەجێ بکرێت.”
ئەوەش خراوەتە ڕوو، ئێستا پڕۆژەکە لە دیراسەدایە و كار لەسەر داڕشتنی ماستەرپالانی دەکرێت کە لەسەر ئاستى ڕۆژهەڵاتى ناوەڕاست نموونەى نییە و بڕیارە ئەمساڵ دیزاینی ماستەرپلانى پڕۆژەکە تەواو بکرێت، لە ڕێگەى گەورە کۆمپانیا جیهانییەکانەوە كه شارەزان له بواری پەرەپێدانى گەشتیاری، جێبەجێ بکرێت.