ئەنجوومەنی وەزیرانی هەرێمی كوردستان، كۆبوونەوەی هەفتانەی خۆی دەكات و هەناردەکردنەوەی نەوتی هەرێمی كوردستان تاوتوێ دەكات.
ئەمڕۆ چوارشەممە 19/2/2025، بە سەرپەرشتیی مەسرور بارزانی، سەرۆك وەزیرانی هەرێمی كوردستان و بە ئامادەبوونی قوباد تاڵەبانی، جێگری سەرۆک وەزیران، ئەنجوومەنی وەزیرانی هەرێمی کوردستان بۆ تاوتوێکردنی سێ تەوەر کۆ دەبێتەوە.
لە كۆبوونەوەكەدا، لەبارەی بەشداریی شاندی حکوومەتی هەرێمی کوردستان بە سەرۆکایەتیی مەسرور بارزانی لە لوتکەی جیهانیی حکوومەتەکان لە دوبەی، هەناردەکردنەوەی نەوتی کوردستان و ڕێکارەکانی یەکخستنی کوالێتیی کۆنترۆڵ لە نێوان هەردوو حکوومەتی هەرێمی کوردستان و عێراق، گفتوگۆ دەکات.