لە وانی باکووری کوردستان قەدەغەی خۆپیشاندان و هەموو جۆرە چالاکییەکی کۆمەڵگای مەدەنی بۆ15 رۆژی دیکە درێژکرایەوە.
پارێزگای وان لە راگەیەندراوێکدا ئاشکرایکرد، 15 رۆژی دیکە قەدەغەی خۆپیشاندان، گردبوونەوە، دابەشکردنی برۆشور، دەربڕینی ناڕەزایەتی و تەواوی چالاکییەکانی کۆمەڵگەی مەدەنی قەدەغە دەبێت. بڕیارەکە لە 11ـی مانگی شوباتەوە واتە لە رۆژی سەپاندنی سزای بەندکردن و دوورخستنەوەی عەبدوڵڵا زەیدان، هاوسەرۆکی گەورەشارەوانیی وان دەرکراوە و درێژکراوەتەوە کە بە تۆمەتی ئەندامبوونی لە پەکەکە لەکار لادرابوو.
