وەزارەتی دارایی هەرێمی کوردستان به نووسراوێک وەڵامی وەزارەتی دارایی فیدراڵ دەداتەوه.
ئەمەش دەقەکەیەتی:
ئەم شێوازەی وەزارەتی دارایی فیدراڵ بۆ دیارکردنی پشکی هەرێم گرتوویەتەبەر دژی دەستووره و پشکی هەرێم بەگوێرەی داهاتی فیدراڵی دەبێت نەک ئینفاقی فیعلی.
وەزارەتی دارایی فیدراڵ خوێندنەوەی هەڵەی بۆ نووسراوی دادگای فیدراڵی کردووه و نووسراوی دادگای فیدراڵی به هیچ شێوەیەک ئاماژه به راگرتنی پارەدارکردنی مووچەی فەرمانبەران ناکات و بەگوێرەی نووسراوی دادگای فیدراڵی دەبێت مووچەی مووچەخۆران له بودجەی ساڵانه خەرج بکرێت.
بەگوێرەی رێککەوتن پشکی هەرێم ساڵانه زیاتر له 13 ترلیۆن دیناره و ئەمساڵ تەنیا 4.2 ترلیۆن خەرج کراوه.
نووسراوی وەزارەتی دارایی فیدراڵ لەسەر بنەمای ناوەندخوازی و فرەشرۆڤەیی دەرکراوه.
داهاتی نەوتی هەرێم بەبێ رەچاوکردنی خەرجیی دەرهێنان هەژمار کراوه. داهاتی نەوتی بۆ پڕکردنەوەی کورتهێنانی مووچه و بەرهەمهێنانی وزه خەرج کراوه.
بەگوێرەی دەستوور و بڕیاری دادگای فیدراڵی وەزارەتی دارایی عێراق دەبێت له پارەدارکردنی مووچەی مووچەخۆرانی هەرێم بەردەوام بێت.