بەگوێرەی راگەیەندراوێکی دادگای فیدراڵی سەرۆکێکی نوێ بۆ دادگاکه دیار دەکرێت.
دادگای فیدراڵی له راگەیەندراوێکدا ئاشکرای کرد: “رۆژی یەکشەممە 29ی حوزەیرانی 2025، ئەو لیژنەیەی کە لە مادەی 3 (یەکەم و دووەم)ی یاسای دادگای باڵای فیدراڵی ژمارە 30ی ساڵی 2005، وەک هەموار کراوەتەوە، کۆبووەوە و بەخشینی سەرۆکی ئێستای دادگای باڵای فیدراڵی، دادوەر جاسم محەمەد عەبود، بۆ خانەنشینی بە هۆکاری تەندروستی پەسەند کرد. هەروەها لیژنەکە رەزامەندی دەربڕی لەسەر کاندیدکردنی جێگری سەرۆکی دادگای فیدراڵی دادوەری مونزر ئیبراهیم حوسێن لە شوێنی ئەو. پەیوەندی بە سەرۆکی کۆمارەوە کرا بۆ دەرکردنی فەرمانی سەرۆکایەتی بۆ دەستنیشانکردنی.”
له راگەیەندراوەکەدا هاتووه: “شایەنی باسە دادوەر مونزر ئیبراهیم حوسێن لە ساڵی 1963 لە بەغدا لەدایکبووە و خاوەنی بڕوانامەی یاساییە لە کۆلێژی یاسا لە زانکۆی بەغدا لە ساڵی 1989، لە ساڵی 1998 پەیمانگەی دادوەری تەواوکردووە، خولی 21. لە ساڵی ٢٠١٨ەوە لە دادگای فیدراڵیدا کاردەکات و لە ئێستادا وەک جێگری سەرۆکی دادگای فیدراڵی و سەرۆکی دەستەی تاوانەکانی و وەک ئەندامێکی یەدەگی دادگای باڵای فیدراڵی کاردەکات.”