پارێزگای هەولێر رایدەگەیەنێت، بەمنزیکانە کارەکانی نۆژەنکردەوەی شەقامی سەرەکی هەولێر- بەحرکە، لە شەقامی 120 مەتری تاوەکو 150 مەتری تەواودەبێت.
بەپێی راگەیاندراوێكی پارێزگای هەولێر، دوای تەواوکردنی قۆناغی یەکەمی کارەکانی نۆژەنکردنەوە و قیڕتاوكردنی شەقامی سەرەكی هەولێر – بەحركە ، لە شەقامی 100 مەتری تاکو شەقامی 120، ئێستا کارکردن لەقۆناغی دووەمی نۆژەنکردنەوە و قیڕتاوکردنی شەقامەکە، لە شەقامی 120 مەتری تاکو شەقامی 150 مەتری لە سایدی چوون بەردەوامە.
ئاماژە بەوەش دراوە، گوژمەی پڕۆژەكە ملیارێك و 645 ملیۆن دینارە و لە سەر بودجەی وەبەرهێنانی وەزارەتی شارەوانی و گەشتو گوزار دەست بە جێبەجێکردنی کراوە و بەمنزیکانە تەواو دەبێت.
ئەو شەقامە، یەکێکە لە شەقامە سەرەكییەكانی هەولێر و ڕۆژانە هاووڵاتیان بەكاری دەهێننن و جووڵە و هاتووچۆی زۆری لەسەر و هەرسێ شەقامی بازنەیی خێرای 100 مەتری، 120مەتری، 150 مەتری، بەیەکەوە دەبەستێتەوە.