بەپێی بڕیارێک لە تەواوی سنووری پارێزگای دهۆک، هاوردەکردنی پەتاتەی قەدەغەیە و، ئامانج لێی پاراستن و پشتگیریکردنی بەرهەمی ناوخۆیی جووتیارانە.
ئەحمەد جەمیل، بەڕێوەبەری کشتوکاڵی دهۆک، رایگەیاند، هاوردەکردنی پەتاتە لە سنووری پارێزگای دهۆک قەدەغەیە و، هۆکاری سەرەکی ئەم بڕیارەش بۆ پێشبینی بەرهەمی بەرچاوی ئەمساڵی پەتاتە دەگەڕێتەوە.
بەڕێوەبەری کشتوکاڵی دهۆک ئاماژەی بەوەشدا، هەندێک بازرگان پەتاتە لە ئێرانەوە لە ڕێگەی دەروازەی سنووری پەروێزخانەوە هاوردەی بازاڕەکانی گەرمیان و عەلوەی کەلار دەکەن، ئەم کارە زیانی بە بەرهەمی ناوخۆ گەیاندووە و بووەتە هۆی ئەوەی جووتیاران داوای قەدەغە کردنی پەتاتە بکەن.
جەختی لەوە شکردەوە، “ئێمە پشتگیری بەرهەمی ناوخۆی جووتیاران دەکەین تاکوو لە بازاڕەکان ساغی بکەنەوە، بەشێکی بەرچاوی بەرهەمی پەتاتەی دهۆک رەوانەی شارەکانی ناوەڕاست و باشووری عێراق دەکرێت، ئەو بڕەی دەمێنێتەوە، لە کۆگا ساردکەرەوەکاندا هەڵدەگیرێت بۆ ئەوەی لە وەرزەکانی دیکەی ساڵدا بخرێتە بازاڕەوە.