پێگەی (لۆ كەنار ئۆنشینێ)ی فەڕەنسی بڵاوی كردووەتەوە، كاترین ڤۆتەر، خانمەوەزیری تەندروستیی فەڕەنسا، فەرمانی دەركردووە كە پێویستە نەخۆشخانەكانی فەڕەنسا تا ئەوپەڕی ئامادە بن و بتوانن هەزاران سەربازی بریندار لە ئەگەری هەڵگیرسانی جەنگی فراوان لە ئەورووپا وەرگرن.
هەروەها باس لەوەش كراوە، ئەو فەرمانە لە وەزارەتی تەندروستییەوە بۆ بەڕێوەبەری ئاژانسەكانی تەندروستیی هەرێمی لە 18ی 7 ڕەوانە كراوە و پێیان گوتراوە بە هاتنی مانگی ئاداری 2026 بۆ ڕوودانی سەختترین شەڕ و وەرگرتنی زۆرترین بریندار ئامادە بن.
ئەم ئامادەباشییە تەندروستییەی فەڕەنسا لە كاتێكدایە كە جەنگی ڕووسیا و ئۆكرانیا بەردەوامە و ئیمانوێل ماكرۆن، سەركۆماری فەڕەنسا داوای كردووە جەنگەكە كۆتایی پێبێت.