ڕوانگەی سووریا بۆ مافەکانی مرۆڤ بڵاوی کردەوە، هێزەکانی هاوپەیمانیی نێودەوڵەتی دژی داعش و هێزەکانی سووریای دیموکرات (هەسەدە) لە بنکەی سەربازیی “قەسرەک” لە دەوروبەری شاری حەسەکە لە ڕۆژئاوای کوردستان ڕاهێنانێکی سەربازیی هاوبەشیان کردووە.
بەپێی زانیارییەکانی ڕوانگەکە، ئامانج لەم ڕاهێنانە بەرزکردنەوەی ئاستی هەماهەنگی و ئامادەکارییە بۆ ڕووبەڕووبوونەوەی شانە نووستووەکانی ڕێکخراوی داعش. لە ڕاهێنانەکەدا چەکی قورس و پێشکەوتوو، سیستەمی ڕادار و چەندین جۆری دیکەی چەک بەکار هێنراون.
ئەم ڕاهێنانە لە کاتێکدایە کە لە ماوەی مانگی ڕابردوودا، هێزەکانی هاوپەیمانان و هەسەدە شەش ڕاهێنانی هاوبەشی دیکەیان ئەنجام داوە. هەروەها، ٢٢١ بارهەڵگر هاوکاریی سەربازی گەیەندراوەتە ڕۆژئاوای کوردستان و ١٠ ئۆپەراسیۆنی هاوبەش دژی داعش لە باکووری ڕۆژهەڵاتی سووریا بەڕێوە چووە.
هەواڵی پێشوو