د. صلال عەلی گرگری، بەربژێرێ پارتی دیمکراتی کوردستان بو هەلبژارتنێن پەرلەمانێ عیراقێ، بەلێن دا خەلکێ دەڤەرێ کو ب تۆمارکرن و پشتەڤانییا وان، ئەو دشێت ب شێوەیەکێ ئازاد و دلسۆزانە خزمەتا هەمی پێکهاتێن دەڤەرێ بکەت.
د. صلال عەلی خەلەف حەمەد گرگری، بەربژێرێ ژمارە 23ێ لسەر لیستا 275 یا پارتی دیموکراتی کوردستان ل بازنێ نەینەوا، د گۆتوبێژەکا تایبەت دا بۆ ئاژانسا نۆچەیا یا زاگرۆس ڕاگەهاند:
”متمانەیا خۆ ب من ببەخشن بۆ هندێ کو بشێم ب دلسۆزی و ب رۆحێ گۆهۆڕینێ خزمەت بکەم. پشتی متمانە ب خودێ و هەولێن هەمی ئەندامێن پێکهاتەیێن دەڤەرێ و خزم و دۆست و هەڤپزیشکێن من، باوەریم ب پێدڤییا کارکرن و گەشەکرنێ ب شێوەیەکێ بەرچاڤ و هەمەڕەهەند هەیە. پزیشکی رۆلەکێ گرنگ هەیە د کێمکرنا بارێن سەر وەلاتییان دا و ئەڤ رۆلە پێدڤی ب پشتەڤانی و باوەریێ ب چاکسازیێ هەیە.”
بەربژێر صلال ئەوژی زێدەکر:
”د ماوێ پتر ژ هەشت سالێن کارکرنا خۆ وەک پزیشک ل نەخۆشخانە و بنکەیێن ساخلەمیێ، رووبەڕووی پێدڤییێن نەخۆش و وەلاتییان بووم، ب تایبەت د بوارێ دەرمان، پزیشکی و خزمەتگوزاریێ دا. هەروەسا وەک نوینەرێ قوتابیان ل زانکۆیێن مووسل و نەینەوا، ژ دەما ئاوارەبوونێ ڤە ل سالا 2014ێ هەتا نها، بەردەوام بووم ل خزمەتکرنا قوتابی و خێزانێن وان.”
بەربژێر د. صلال گرگری ئەوچەندەژی دیارکر. ب پشتەڤانییا خودایێ مەزن، هەول بدەم بۆ چاکسازی و گۆهۆڕینەکا راستەقینە و خزمەتکرنا هەمی پێکهاتێن دەڤەرا خۆ، چونکو شایستەی خزمەت و پێشکێشکرنا چاکیا گشتی نە.”
ل دووماهیێ، بەربژێر صلال گرگری بەلێن دا و پەیامەک ئاراستەی خەلکی کر:
”ل هەردوو روژێن دەنگدانێ ژبیرنەکەن و دەنگێ خۆ بدەنە لیستا 275 یا پارتی دیموکراتی کوردستان لیستا سەرۆک بارزانی کو لیستا هەمی پێکهاتەیانە و لیستا شەهیدان و لیستا برایەتیێیە.