ئەندازیار سەلام عارف بەرواری، بەربژارێ ژمارە (59) یێ پارتی دیموکراتی کوردستان ل سەر لیسا (275) بۆ جڤاتا نوینەرێن عیراقێ، د لێدوانەکا تایبەت دا بۆ ئاژانسا نووچەیا زاگرۆس، تەکەز کر کو خزمەتکرنا بێ جوداهی یا وەلاتیان و پاراستنا بنەمایێن پیشەیی د کارێ وی یێ پەرلەمانی دا دێ بیتە ئەولەویەتا سەرەکی.”
سەلام عارف بەرواری، کو ل نها د ئێك ژ پێکئینانێن وەزارەتا کارەبا عیراقێ دا کار دکەت، ئاماژە ب ئەزموونا خۆ یا دەولەمەند د بوارێ کۆمەلگەها مەدەنی دا کر. گۆت: “من بەشداری د گەلەك دەستپێشخەرییێن گرنگ دا کرییە بۆ پتەوکرنا پێکڤەژیانا ئاشتیانە د ناڤبەرا پێکهاتەیێن جودا یێن کۆمەلگەهێ دا، و ڤی رۆلێ مە دێ د پەرلەمانێ عیراقێ دا بەردەوام بیت.”
بەربژارێ پارتی تەکەز کر کو ئەوان رۆلەکێ کاریگەر د بوارێ خزمەتگوزاریێ دا هەبوویە: “ئەم ب شێوەیەکێ چالاک بەشدار بووینە د پرۆسەیا ئاڤاکرنا ناڤچەیێن ئازادکری و بجهئینانا ژمارەیەکا پرۆژەیێن ستراتیژی یێن کارەبێ ل قەزا و ناحیەیێن پارێزگەها نەینەوا.”
ل دووماهیێ، بەرواری دووپات کر کو پابەندی ب رەوشتی و پیشەیی د کارێ پەرلەمانی دا بنەما یێ وی یە، و داخواز ژ دەنگدەران کر: “بلا دەنگێ وە بۆ لیسا (275) یا پارتی بیت. ئەم ب ئەركێ خۆ یێ سەرەکی دزانین کو خزمەتکرنا گشت لایەکی د پەرلەمانێ عیراقێ دا بکەینە ئەولەویەتا کارێ خۆ و جێبەجێکرنا خواستێن خەلکی بکەینە ئارمانجا پشکنینێن خۆ.”