گەنجێن پارێزگەها دهۆکێ پارتی ب تاکە لایەن دانن بۆ پاراستنا قەوارەیێ هەرێما کوردستانێ و دوزا گەلێ کورد ل بەغدا و جیهانێ ب گشتی.
ئازا دیرشەوی گەنجەکێ دهۆکێ یە بۆ ئاژانسا زاگرۆس راگەهاند: پرانیا گەنجێن مە ل دهۆکێ پالپشتی و پشتگیریا لیستا 275 یا پارتی دکەن، چونکە پارتی گرنگی ب بەرەف پێش برنا گەنجا ددەت، هەروەسا پارتی و سەرۆک بارزانی ھەردەم شەر لسەر مافین رەواین دەستوری یێن گەلێ کورد کریە، د میژوودا ھەتا نوکە ژ بتنی پارتی پارێزڤانی گەلێ کوردستانێ بویە، ھەردەم مەدیتە بەربژێرێن پارتی ب جورئەت و ب دەنگەکێ بلند دناڤ ھولا پەرلەمانی عێراقا فیدرال داکوکێ لسەر ماڤین گەلێ کوردستانێ کریە، ل سالا ٢٠١٧ راپرسیا سەرخووبونا کوردستان ئەنجامدایە.
دیرشەوی بۆ ZNA گۆت: پروسا عێراقا نویدا ل 2005ساڵا دەمێ دارشتنا دستوری دا سەرۆک بارزانی رولەکێ گرنگ هەبویە بۆ ل بابەتێ فیدرالیەتێ و پێشمەڕگەی و هەمی پرسێن گرێدای کورد و کوردستانێ هەر دیسان ل پروسەیا ئاشتی ل باکورێ کودستانێ و تورکیا رولەکێ بەرچاڤ هەبویە.
ماریا هاشم کچەکا گەنج یا ئیدارا سەربەخۆیا زاخۆ یە بۆ ئاژانسا زاگرۆس دیارکر: ئەز وەکو ئافرەتەک وکچەکا گەنج پالپشتی و پشتەڤانی لیستا 275یا پارتی دکەم، چونکە پارتی کوردایەتیێ دکەت پارتی ب رێبەرایەتیا جەنابێ سەرۆک بارزانی خودانێن دوزا رەوایا گەلێ کوردن و پارێزەرێن قەوارەیا هەرێما کوردستانێ نە، دەنگێ رەسەنێ مللەتی نە.
ماریا زێدەتر گۆت: پارتی دیموکراتی کوردستان خەبات و تێکوشینێ دا ل سەنگەرێن بەرەڤانیکرنێ دا ل رێزێن پێشیێ یە، پارتی خوینا هزاران شەهیدان ئاڤابوویە ژ بۆ ئازادی و سەربەخۆی یا کورد و کوردستانیان بناغێ دەولەتێ دروست کریە، پارتی یەکەم پارت بویە ھزر د دامەزراندنا رێکخروا ئافرەتان دا کری ل سالا ١٩٥٢ لسەر دەستێ بارزانی یێ نەمر ھاتیە دامەزراندن بۆ بەرەڤانی ژ مافین ئافرەتێ بکەت، هەر ژ بەر ڤان ئەگەرا و سەدان ئەگەرێن دی دەنگدان ب لیستا 275یا پارتی شانازی و سەربلندیە.
اسماعيل حكيم