وەزارەتی پێشمەرگە، ڕایگەیاند، هاوكاریی دارایی هاوپەیمانان بۆ مانگی 10 خرایە سەر هەژماری وەزارەتەكە و سبەی دەست بە دابەشكردنی دەكرێ.
وەزارەتی پێشمەرگە، ڕایگەیاندووە: رۆژی 4/11/2025، هاوکاریی دارایی هاوپەیمانان بۆ مانگى 10 خرایە سەر هەژماری وەزارەتی پێشمەرگە، ئەمڕۆ لەلایەن بەڕێوەبەرایەتى گشتى بودجە و بەرنامەکان (ژمێریارىی سەربازى) دەست دەکرێت بە تەواوكردنی رێکارە دارایی و ژمێریارییەکان بۆ تەواوکردنی ئامادەکارییەکان و سبەی پێنجشەممە 6/11/2025، دەست بە دابەشکردنی دەکرێت.
وەزارەتەكە ڕایگەیاندووە: لەم مانگەدا زیاتر لە 97%ـی ئەفسەر و پلەدار و پێشمەرگە لەڕێگەی پڕۆژەی (هەژماری من)ـەوە هاوکاریی هاوپەیمانان وەردەگرن، ئەوانەی تریش لە رێگەی سیستەمی بانکییەوە هاوکارییەکان وەر دەگرن.