وەزارەتی دارایی و ئابووریی حكوومەتی هەرێمی كوردستان لە ڕاگەیاندراوێكدا ئاشكرای كرد، 120 ملیار دیناری داهاتی نانەوتیی هەرێمی كوردستان، خرایە سەر هەژماری بانكیی دارایی عێراق.
ئەمڕۆ پێنجشەممە 5/2/2026، وەزارەتی دارایی و ئابووری ڕاگەیاندراوێكی بڵاو كردەوە و تێیدا هاتووە: “ئەمڕۆ بڕی 120 ملیار دینار وەک داهاتی نانەوتیی هەرێمی كوردستان بۆ مانگی یەکی 2026 بە کاش خرایە سەر هەژماری بانکیی وەزارەتی دارایی حکوومەتی فیدراڵ لە لقی هەولێری بانکی ناوەندیی عێراق.”