سوپای پاسدارانی ئێران بە سەرپەرشتیی محەمەد پاکپوور، فەرماندەی گشتیی هێزە وشکانییەکان، مانۆڕێکی سەربازیی بە ناوی ”کۆنترۆڵی زیرەکیی گەرووی هۆرمز” دەست پێ کرد. ئامانجی سەرەکیی مانۆڕەکە نیشاندانی ئامادەیی و توانای جیۆپۆلیتیکیی سوپایە لە دژی هەر هەڕەشەیەکی ئەمنی لە کەنداو و دەریای عومان. ئەم جووڵە سەربازییە لە کاتێکدایە کە سەرەڕای هەوڵە دیپلۆماسییەکانی نێوان تاران و واشنتۆن، بەڵام بەهۆی زیادبوونی هێزەکانی ئەمریکا لە ناوچەکەدا، بەرپرسانی ئێران هۆشدار دەدەن لە ئەگەری داخستنی گەرووی هۆرمز.