لە سنووری قەزای شێخان، ئاستی ئاوی بەنداوی خنس بەهۆی بارینی ڕێژەیەکی زۆری باران بە شێوەیەکی بەرچاو زیادی کردووە و مەترسی لافاو لە ناوچەکەدا دروست بووە.
فەرهاد محەمەدتاهیر، بەڕێوەبەری بەڕێوەبەرایەتی بەنداوی دهۆک، هۆشدارییەکی بەپەلە دەداتە ئەو هاووڵاتی و گوندنشینانەی ماڵەکانیان دەکەوێتە خوارووی بەنداوەکە و داوایان لێدەکات بۆ پاراستنی گیانیان، بە زووترین کات لە دەوروبەری رووبارەکە دوور بکەونەوە.
دەشڵێت، بەرزبوونەوەی ئاستی ئاوەکە مەترسیدارە و پێویستە هەمووان پابەندی رێنماییەکان بن و بە هیچ شێوەیەک لە رووبارەکە نزیک نەبنەوە.