لە یاریێکی دواخراوی هەفتەی 29ی خولی ئینگلتەرا، یانەی لیڤەرپوول لە یاری دێربیدا رووبەڕووی یانەی ئیڤەرتۆن بووەوە.
لە ئەنجامدا یانەی ئیڤەرتۆن توانی یارییەکە بە دوو گۆڵی بێبەرامبەر شکست بە لیڤەرپوول بهێنێت.
لە تایمی یەکەمدا هەردوو یانە هەوڵەکانیان خستە گەڕ بۆ هەژاندی تۆڕی گۆڵی یەکتر، تا لە خولەکی 27 گاراد برانسوێت گۆڵێکی بۆ ئیڤەرتۆن تۆمارکرد و ئەو تایمە بەو تاکە گۆڵە کۆتاییهات.
لە تایمی دووەمدا، یاریزانانی لیڤەرپوول چەندین هەوڵیدا بۆ یەکسانکردنەوەی ئەنجامەکە، بەڵام لە خولەکی 58 کالڤێرت لیوین گۆڵی دووەم و دڵنیایی بۆ ئیڤەرتۆن کرد، سەرەنجام یاریەکەیان بە ئەنجامی دوو گۆڵی بێبەرامبەر بردەوە.
بەم ئەنجامە، لیڤەرپوول بە کۆکردنەوەی 74 خاڵ بە شێوەیێکی کاتی لە دووەمی ڕیزبەندیدایە، ئێڤەرتۆنیش 33 خاڵی هەیەو پلەی16ی گرتووە.