سەرۆککۆماری تورکیا ڕایگەیاند وڵاتەکەی بۆ درێژکردنەوەی ئاگربەستی نێوان ئێران و ئەمریکا و بەردەوامبوونی گفتوگۆکان هەوڵ دەدات.
ڕەجەب تەیب ئەردۆغان دانی بەوەدا نا دانوستانەکانی نێوان ویلایەتە یەکگرتووەکان و ئێران، بەتایبەتی لە پرسی ئەتۆمیدا، ڕووبەڕووی ئاستەنگ بوونەتەوە، بەڵام جەختی لە پێویستیی بەردەوامبوونی ئەو گفتوگۆیانە کردەوە.
ناوبراو ڕۆژی چوارشەممە ١٥ی نیسان لە گوتارێکدا لەنێو نوێنەرانی پارتی فەرمانڕەوای “داد و گەشەپێدان” (AKP)ـی تورکیا گوتی: “دانوستان بە مستی گرێدراو بەرەوپێش ناچێت و نابێت ڕێگە بدرێت جارێکی دیکە لەبری وشەکان، چەکەکان قسە بکەن.”
ئەردۆغان هەروەها هۆشدارییە پێشووەکەی خۆی دووپات کردەوە نابێت ڕێگە بە ئیسرائیل بدرێت پرۆسەی ئاگربەست لاواز بکات.