zagros news agency

نرخی نەوت ڕووی لە دابەزین کرد

 

​ئەمڕۆ چوارشەممە، لەگەڵ دەستپێکردنی مامەڵەکانی بازاڕەکانی وزە، نرخی نەوت پاشەکشەی بەخۆوە بینی و بەراورد بە نرخی دوێنێ، نرخەکان دابەزینیان تۆمار کرد.

ئەمڕۆ چوارشەممە ​بەپێی دواین زانیارییەکانی بازاڕ، نرخی هەر بەرمیلێک نەوتی خاوی برێنت گەیشتووەتە 107.8 دۆلار، کە بەراورد بە نرخی دوێنێ 6 دۆلار دابەزیوە. هەروەها نرخی هەر بەرمیلێک نەوتی خاوی سووکی ئەمریکیش دابەزیوە بۆ 100.2 دۆلار، کە بەراورد بە نرخی دوێنێ 4.6 دۆلار دابەزین نیشان دەدات.

​ئەم دابەزینەی نرخەکان پەیوەندی ڕاستەوخۆی بە لێدوانەکانی سەرۆکی ئەمریکاوە هەیە، کە ئاماژەی بە ئەگەری ڕێککەوتنێک کرد لەگەڵ ئێران بۆ کۆتاییهێنان بە شەڕ و درێژکردنەوەی ئاگربەست. ئەم هەواڵە دیپلۆماسییە گرژییەکانی بازاڕی کەمکردەوە و وای لە وەبەرهێنەران کرد متمانەی زیاتریان بە جێگیری دۆخەکە هەبێت، ئەمەش کاریگەرییەکانی ئەو دڵەڕاوکێیەی کەمکردەوە کە پێشتر لەسەر گەرووی هورمز و پرسی هاتوچۆی کەشتییە بارهەڵگرەکانی نەوت دروست بووبوو.

هەواڵی پەیوەندیدار

سەرۆکی حکومەت: کردنەوەی کونسوڵخانەی گشتی قەتەڕ هاوکار و یارمەتیدەر دەبێت لە بەرەوپێشبردنی پەیوەندییەکانی نێوانمان لە بوارە جۆراوجۆرەکاندا

یاسین

ئایدن مەعروف: پێكهاته‌كان له‌ نه‌ینه‌وا مەترسییان لەسەرە و گرووپە چەکدارەکان ھەڕەشەیان لێدەکەن

سەڵاح

ئەمڕۆ مووچەی ئەم وەزارەتانە دابەش دەکرێت

یاسین