لەگەڵ کۆتاییهاتنی مامەڵەکانی هەفتە و داخستنی بازاڕەکانی وزە، نرخی نەوت ڕووی لە دابەزین کرد و زۆربەی ئەو قازانجانەی لەدەستدا کە پێشتر تۆماری کردبوون.
بەپێی دواین زانیارییەکان لە کاتی داخستنی بازاڕدا، نرخی هەر بەرمیلێک نەوتی خاوی برێنت گەیشتە 101.3 دۆلار، هەروەها نرخی هەر بەرمیلێک نەوتی خاوی سووکی تەکساسی ئەمریکی بە 95.42 دۆلار کۆتایی بە مامەڵەکانی هێنا.
ئەم دابەزینەی کۆتایی مامەڵەکان لە کاتێکدایە کە بازاڕەکان گەشبینن بە ئەگەری ڕێککەوتنی نێوان ئێران و ئەمریکا، کە پێشبینی دەکرێت ببێتە هۆی کردنەوەی گەرووی هورمز بەڕووی کەشتییە نەوتییەکاندا.