ئاژانسی ناسا و کۆمپانیای سپەیس ئێکس ڕایانگەیاند، کە بەهۆی نالەباریی کەشوهەواوە گەشتی ژمارە ٣٤ی دابینکردنی پێداویستییەکان بۆ وێستگەی ئاسمانیی نێودەوڵەتی (ISS) دواخراوە و ئێستا ڕۆژی هەینی، ١٥ی ئایار، وەک وادەی نوێی هەڵدانی ڕۆکێتەکە دیاری کراوە.
هۆکاری دواخستنەکە:
بڕیار بوو ڕۆژی چوارشەممە ڕۆکێتی (فالکۆن ٩) گەشتەکە ئەنجام بدات، بەڵام بەهۆی دروستبوونی “هەوری سارد و مەترسیدار” لە ئاسمانی بنکەی هێزی ئاسمانیی (کاپ کەنارڤێراڵ) لە ویلایەتی فلۆریدا، تیمەکانی سەرپەرشتیار بڕیاریان دا گەشتەکە ڕابگرن بۆ پاراستنی سەلامەتیی ڕۆکێتەکە.
خشتەی نوێی گەشتەکە بە کاتی ههولێر:
- هەڵدانی ڕۆکێت: سەعات ١:٠٥ی پاش نیوەشەوی هەینی لەسەر شەممە (١٦ی ئایار). ڕووماڵی ڕاستەوخۆ لە سەعات ١٢:٤٥ی شەو دەست پێدەکات.
- گەیشتن بە وێستگەی ئاسمانی: کەشتیی “دراگۆن” سەعات ٢:٠٠ی پاشنیوەڕۆی یەکشەممە (١٧ی ئایار) دەگاتە وێستگەکە و لەنگەر دەگرێت.
چۆنیەتی بینین:
ناسا ڕایگەیاندووە کە ڕووماڵی ڕاستەوخۆی پڕۆسەی هەڵدانەکە لە ڕێگەی پلاتفۆرمەکانی (NASA+، Amazon Prime، و یوتیوب)ـەوە دەبێت و ٢٠ خولەک پێش کاتی هەڵدان دەست پێدەکات.
ئەم مەراسیمە دەرفەتێکە بۆ نوێکردنەوەی ئەو کەلوپەل و تاقیگە زانستییانەی کە لە ناو کەشتییەکەدا بەرەو بۆشایی ئاسمان بەڕێ دەکرێن، کە بڕیارە بۆ ماوەیەک لە وێستگەی ئاسمانیی نێودەوڵەتی بمێننەوە.
NASA