وەزارەتی ناوخۆی حكوومەتی هەرێمی كوردستان، لە ڕاگەیاندراوێكدا ئاماژە بەوە دەدات، لەسەر ڕەزامەندیی سەرۆكی حكوومەتی هەرێمی كوردستان، 25 هەلی كار لە دوو فەرمانگەی كارتی نیشتمانی ڕادەگەیەنرێت.
ئەمڕۆ پێنجشەممە 2/5/2024، وەزارەتی ناوخۆ ڕاگەیاندراوێكی بڵاو كردەوە، تێیدا هاتووە: “لەسەر ڕەزامەندی و فەرمانی سەرۆکی حکوومەتی هەرێمی کوردستان، بۆ پاڵپشتی بەڕێوەچوونی باشتری کاروباری خەڵک لە هەردوو قەزای کفری و ناحیەی پێباز لە ئیدارەی سەربەخۆی گەرمیان، وەزارەتی ناوخۆ 25 پلەی کارکردن بە گرێبەست لە چەند پسپۆڕییەک ڕادەگەیەنێت.”
لەم لینكەی خوارەوەدا، زانیاریی زیاتر وەربگرن و ئارەزوومەندان دەتوانن تا کۆتایی ڕۆژی شەممە 11ی ئایاری 2024 داواکارییەکانیان پێشکەش بکەن.