ئەحمەد دووبەردانی، ئەندامی ئەنجومەنی پارێزگای نەینەوا ڕایگەیاند، پاشنیوەڕۆی ئەمڕۆ سێ منداڵ لە گوندی توێم لە ناوچەی مەحەلەبیەی سەر بە شاری موسڵ، لە ناو گۆمێکدا خنکان.
بەگوێرەی زانیارییەکان، ئەو منداڵانە تەمەنیان لە نێوان 10 بۆ 12 ساڵیدایە و ئامۆزا و پورزای یەکتر بوون، کە بە مەبەستی مەلەکردن چوونەتە ناو ئەو گۆمە و بەداخەوە ژیانیان لەدەستداوە.
لە ئێستادا تەرمی منداڵەکان دەرهێنراون و ڕێکارە پێویستەکان گیراونەتە بەر. ئەم ڕووداوە دڵتەزێنە خەم و پەژارەیەکی زۆری لە ناوچەکەدا دروست کردووە.