ئهمڕۆ چوارشەممە، وەزارەتی تەندروستی فەرەنسا، تۆمارکردنی یەکەم حاڵەتی تووشبوون بە ڤایرۆسی “ئایبۆلا”ی لەسەر خاکی وڵاتەکەی ڕاگەیاند. تووشبووەکە پزیشکێکە و بەم دواییانە لە کۆماری دیموکراتی کۆنگۆوە گەڕاوەتەوە، کە ئەو وڵاتە ئێستا بەدەست بڵاوبوونەوەیەکی بەرفراوانی ئەو ڤایرۆسەوە دەناڵێنێت.
وەزارەتی تەندروستی فەرەنسا لە بەیاننامەیەکدا ڕایگەیاند: “تۆمارکردنی یەکەم حاڵەتی دڵنیاکەرەوەی تووشبوون بە ڤایرۆسی ئایبۆلامان لەسەر خاکی فەرەنسا پشتڕاست کردووەتەوە.” هەروەها لە وەڵامی پرسیارەکانی ئاژانسی “فرانس پرێس”دا ڕوونی کردەوە کە حاڵەتەکە لەناو خاکی سەرەکیی فەرەنسا (Mainland) تۆمارکراوە.
لەلایەکی دیکەوە، نووسینگەی سێباستیان لۆکۆرنۆ، سەرۆکوەزیرانی فەرەنسا، ئاماژەی بەوە کردووە کە سەرۆکوەزیران لە نزیکەوە چاودێری پەرەسەندنەکانی دۆخەکە دەکات بۆ ڕێگریکردن لە هەر ئەگەرێکی بڵاوبوونەوەی زیاتری ڤایرۆسەکە.
شایەنی باسە کۆماری دیموکراتی کۆنگۆ لەم ماوەیەی دواییدا شاهیدی شەپۆلێکی توندی بڵاوبوونەوەی ئایبۆلا بووە، ئەمەش وایکردووە وڵاتانی جیهان ڕێکاری توند لە تێرمیناڵەکان و فڕۆکەخانەکان بگرنەبەر.
سكای نیوز