لە بەردەوامیی گرنگیدانی کابینەی نۆیەمی حکومەتی هەرێمی کوردستان بە کەرتی ڕێگاوبان، پڕۆژەی قیرتاوکردنی ڕێگای نێوان گوندەکانی (ناڤکەندالا) و (سەر سیلاڤکێ) لە سنووری قەزای باتیفا بە درێژایی 3 کیلۆمەتر جێبەجێ کرا، ئەمەش بە مەبەستی ئاسانکاریی هاتوچۆی گوندنشینان و بووژاندنەوەی ناوچەکە.
کابینەی نۆیەم پەرەپێدانی ژێرخانی ڕێگاوبانی کردووەتە ئەولەویەت، ئەمەش لە ڕێگەی فراوانکردنی تۆڕی ڕێگا دووسایدەکان لەنێوان شارەکان، قیرتاوکردنی ڕێگای گوندە دوورەدەستەکان بۆ پشتگیریکردنی کەرتی کشتوکاڵ، و نۆژەنکردنەوەی بەردەوامی شەقامە کۆنەکان.