سەرۆکایەتیی ئەنجومەنی وەزیرانی هەرێمی کوردستان بە مەبەستی فرۆشتنی ژمارەیەک ئۆتۆمبێلی جۆراوجۆر، زیادکردنێکی ئاشکرا ڕادەگەیەنێت.

بەپێی ئەو ئاگادارییەی کە لەلایەن بەڕێوەبەرایەتیی گرێبەستەکان و خانووبەرەی سەر بە سەرۆکایەتیی ئەنجومەنی وەزیرانەوە بڵاو کراوەتەوە، بڕیارە ڕۆژی پێنجشەممە، 2026/7/23، کاتژمێر 11:30ـی پێشنیوەڕۆ، پرۆسەی زیادکردنی ئاشکرا بۆ فرۆشتنی 91 ئۆتۆمبێل ئەنجام بدرێت.

پڕۆسەکە لە ئیدارەی سەربەخۆی زاخۆ، کۆمپانیای (DNO/کێڵگەی تاوکێ) بەڕێوە دەچێت. هاوکات لە ئەگەری پشووی فەرمی لەو ڕۆژەدا، زیادکردنەکە بۆ ڕۆژی دواتر دوا دەخرێت.

بۆ بەشداریکردن لەم زیادکردنە ئاشکرایە، پێویستە بەشداربووان پابەندی ئەم مەرجانەی خوارەوە بن:
１- دانانی چەکی پەسەندکراو (سەفتەجە) بە بڕی 160,000,000 (سەد و شەست ملیۆن) دیناری عێراقی.
２- ڕسوومات و خەرجییەکانی بڵاوکردنەوەی ئەم ئاگادارییە دەکەوێتە ئەستۆی ئەو کەسەی کە زیادکردنەکەی بۆ دەردەچێت.
３- فرۆشتنی ئۆتۆمبێلەکان بە شێوەی نەختینە (نەقد) دەبێت و بە دیناری عێراقی دەبێت.
４- کڕیار پێویستە بە ماوەی 5 ڕۆژ ئۆتۆمبێلەکان بگوازێتەوە.
５- ئۆتۆمبێلەکان لە ڕۆژی بڵاوکردنەوەی ئەم ئاگادارییە لە شوێنی ئاماژەپێکراو دەتوانرێت ببینرێن.
６- وەرگرتنی ڕێژەى 2% لە کۆى فرۆشتنەکە بەزیاد دەبێت.
７- گشت ئۆتۆمبێلەکان بە سووتەمەنیی گازوایل کار دەکەن.
８- بۆ پێشوەختە بینینی ئۆتۆمبێلەکان، دەتوانرێت پەیوەندی بە ژمارە (07504498887) بکرێت.

فەرمانگەی میدیا و زانیاری