بەرەبەیانی ئەمڕۆ هەینی، لە ڕووداوێکی هاتووچۆی دڵتەزێندا لە نێو سەنتەری شاری ئاکرێ، ئۆتۆمبێلێک لە هاووڵاتییەکی تەمەن 42 ساڵی دا کە پیشەی پاسەوان بووە و بەهۆیەوە دەستبەجێ گیانی لەدەست دا.
بەپێی زانیارییەکانی سەرچاوەیەکی ئاگادار لە قەزای ئاکرێ، راگەیاندووە: هاووڵاتییەکە ناوی (جەعفەر حاجی)یە، تەمەنی 42 ساڵە و پیشەی پاسەوان بووە، ڕووداوی شێلانەکە لە نێو سەنتەری شاری ئاکرێ و لە نزیک ترافیک لایتی ئازادی ڕوویداوە، بەهۆی سەختی برینەکەیەوە، ناوبراو دەستبەجێ گیانی لەدەستداوە.
دوای ڕووداوەکە، تەرمی قوربانییەکە گواستراوەتەوە بۆ پزیشکی دادوەری، و هێزە ئەمنییەکان و لایەنە پەیوەندیدارەکانی هاتووچۆ لێکۆڵینەوەیان لە چۆنیەتی ڕووداوەکە و دەستبەسەرکردنی شۆفێری ئۆتۆمبێلەکە دەستپێکردووە.