سەرۆكی حكوومەتی هەرێمی كوردستان، پێشوازیی لە باڵوێزی ڤەنزوێلا لە عێراق كرد و چەند بابەتێكیان تاوتوێ كرد.
ئەمڕۆ دووشەممە 10/6/2024، مەسرور بارزانی، سەرۆکی حکوومەتی هەرێمی کوردستان، پێشوازیی لە ئەرتورۆ ئانیبال ڕامیرێز، باڵوێزی ڤەنزوێلا لە عێراق کرد، باڵوێزی کۆماری ڤەنزوێلا سڵاو و ڕێزی نیکۆلاس مادورۆی، سەرۆک کۆماری ڤەنزوێلای بە سەرۆکی حکوومەت گەیاند، ئامادەیی وڵاتەکەشی بۆ بەهێزکردنی پەیوەندییەکان لەگەڵ هەرێمی کوردستان دەربڕی، بە تایبەتی لە بوارەکانی ئاڵوگۆڕی بازرگانی و وزە و وەبەرهێنان و کشتوکاڵ و گەشتوگوزاردا.
سەرۆکی حکوومەت خواستی هەرێمی کوردستانی بۆ بەرەوپێشبردنی پەیوەندییەکان لەگەڵ ڤەنزوێلا لە بوارە جۆراوجۆرەکاندا دووپات کردەوە.