سەرۆکی حکوومەتی هەرێمی کوردستان، پێشوازيی لە دامەزرێنەر و سەرۆکی ئەنجوومەنی بەڕێوەبردنی گرووپی کۆمپانیاکانی ئەلهیلال کرد و گفتوگۆیان لەبارەی کار و پڕۆژەکانی گرووپەکە لە عێراق و هەرێمی کوردستان کرد.
ئەمڕۆ دووشەممە 10/6/2024، مەسرور بارزانی، سەرۆکی حکوومەتی هەرێمی کوردستان، پێشوازيی لە حەمید جەعفەر، دامەزرێنەر و سەرۆکی ئەنجوومەنی بەڕێوەبردنی گرووپی کۆمپانیاکانی ئەلهیلال کرد.
لە دیدارەکەدا گفتوگۆ لەبارەی کار و پڕۆژەکانی گرووپەکە لە عێراق و هەرێمی کوردستان کرا، هەروەها جەخت لە گرنگیی پاراستنی ئاسایشی ژێرخانی ئابووری و وزە کرایەوە.