سه‌رۆكى هه‌رێمى كوردستان پێشوازى له كونسولى گشتيى توركيا كرد شوبات 21, 2024 پاش نيوه‌ڕۆى ئه‌مڕۆ چوارشه‌ممه 2024/2/21 نێچيرڤان بارزانى، سه‌رۆكى هه‌رێمى كوردستان، بۆ ماڵئاوايى پێشوازى له مه‌همه‌د مه‌ولوود ياكووت كرد كه وه‌ك كونسولى گشتيى توركيا له هه‌رێمى كوردستان، كۆتايى به ئه‌ركه‌كه‌ى هات. له ديدارێكدا نێچيرڤان بارزانى سوپاسى كار و هه‌وڵه‌كانى كرد بۆ بره‌ودان به په‌يوه‌ندييه‌كانى وڵاته‌كه‌ى له‌گه‌ڵ هه‌رێمى كوردستان و هيواى سه‌ركه‌وتنى له ئه‌رك و كارى تازه‌يدا، بۆ خواست. لاى خۆيه‌وه ياكووت سوپاس و پێزانينى بۆ پشتيوانيى نێچيرڤان بارزانى و لايه‌نه په‌يوه‌نديداره‌كانى هه‌رێمى كوردستان بۆ سه‌رخستنى ئه‌ركه‌كه‌ى، هه‌روه‌ها خۆشحاڵيى خۆى بۆ كاركردنى له هه‌رێمى كوردستان ده‌ربڕى.
