‎به‌رنامێ ئاڤه‌دانیێ ل سه‌رانسه‌ری پارێزگه‌ها دهوكێ به‌رده‌وامه”‌

ئه‌ڤرو ڕۆژا دووشه‌مبی ڕێكه‌فتی ٣ی شوباتا ٢٠٢٥ێ مه‌ ب كۆژمێ ٥ ملیار و ٢٥٠ ملیون دیناران چه‌ندین پڕۆژه‌یێن خزمه‌تگوزاری بۆ چه‌ندین گوند و كۆمه‌ڵگه‌هـ و ناحیێن سه‌ر ب قەزا ئامێدیێ ڤه‌ ڕه‌وانه‌ی قوناغا ب جـهئینانێ كرن كۆ پڕۆژێن ئه‌ڤرۆ هاتینه‌ ڕاوه‌ناكرن پێكدهێن ژ :-

ـ پڕۆژێن چێكرن و قێركرن و سه‌خبێركرن و ته‌مامكرنا چه‌ندین جاده‌یان دگه‌ل پڕۆژێن سه‌خبێركرنا پرێن پیادە و ڕۆناهیكرنا چه‌ندین جادده‌یان و راکێشانا کەهرەبێ و دابینکرنا تورێن ئاڤا ڤەخوارنێ.

ئه‌ڤه‌ دده‌مه‌كیدا كۆ ل حه‌فتیێن ده‌ربازبوی و د چارچوڤێ به‌رنامێ به‌رده‌وام یێ ئاڤه‌دانیێ دا مه‌ ب كۆژمێن جوداجودا چه‌ندین پڕۆژێن دی یێن خزمه‌تگوزاری بۆ سه‌رجه‌م قه‌زا و ناحیە و كومه‌لگه‌هـ و ده‌ڤه‌رێن جودا ل سنورێ پارێزگه‌ها دهوكێ ڕه‌وانه‌ی قۆناغێن ب جهـئینانێ كرینە.