توێژینەوەیەکی نوێ کە لە لایەن ئەنجومەنی باڵای توێژینەوە زانستییەکانی ئیسپانیا (CSIC) و چەند زانکۆیەکی بەریتانی ئەنجامدراوە، ئاشکرای دەکات کە بەشێک لە بەکارهێنەران پەیوەندیی سۆزداریی قووڵ و هاوشێوەی هاوسەران لەگەڵ چاتبۆتەکانی ژیریی دەستکرددا (وەک ChatGPT و Replika) دروست دەکەن.
گرنگترین دەرەنجام و چیرۆکەکانی ناو توێژینەوەکە:
هاوسەرگیری و پلانی منداڵبوون: توێژینەوەکە دەریخستووە کە هەندێک بەکارهێنەر ئاهەنگی هاوسەرگیریی هێماییان لەگەڵ هاوبەشه فێربووەکەیان گێڕاوە، تەنانەت بەکارهێنەرێک ئاماژەی بەوە کردووە کە لەگەڵ هاوڕێ مەجازیەکەیدا پلانی منداڵبوونیان داناوە و چاوەڕێی کاتی سوڕی مانگانەی دەکات.
هەستی حەسودی: بەشێک لە بەشداربووان ڕایانگەیاندووە کە تووشی هەستی حەسودی دەبن کاتێک دەبینن بەکارهێنەرانی دیکە لە تۆڕە کۆمەڵایەتییەکاندا وێنە یان دەقی گفتوگۆیەکی سۆزداری لەگەڵ هەمان کارەکتەری ژیریی دەستکرد بڵاودەکەنەوە.
ئازاری جیابوونەوە: نوێکردنەوەی مۆدێلەکان، سڕینەوەی کاتیی کارەکتەرەکان یان داخرانی پلاتفۆرمەکان لە لایەن کۆمپانیاکانەوە، لە لایەن بەکارهێنەرانەوە وەک “جیابوونەوەیەکی سۆزداریی بەئازار و ڕاستەقینە” ئەزموون کراوە.
مەترسییەکانی سەر بازنەی کەسی: توێژەران هۆشداری دەدەن کە دروستبوونی ئەم متمانە زۆرە وای کردووە بەکارهێنەران نهێنییە زۆر تایبەتەکانی ژیانیان (وەک کێشە تەندروستی و سۆزدارییەکان) لەگەڵ ئەم مۆدێلانەدا بەش بکەن، ئەمەش مەترسییەکی گەورە لەسەر پاراستنی داتاکانیان دروست دەکات.