دوای بڕیارەکانی ئەنجومەنی وەزیران کە یەکێکیان داشکاندنی کرێی خوێندن بوو، بە نووسراوێکی فەرمیی خوێندنی باڵا، هەر یەک لە کرێی خوێندنی پارالێل، ئێواران، دبلۆمی باڵا، ماستەر و دکتۆرا، لە سەرجەم زانکۆ و پەیمانگە حکومییەکانی هەرێمی کوردستان داشکاندنی کرێی خوێندن بە ڕێژەی 20% کراوە.
ئەم داشکاندنە کرێی خوێندنی پارالێل و خوێندنی ئێواران و دبلۆمی باڵا و ماستەر و ئەنجومەنی باڵای کوردستان بۆ پسپۆرییە پزیشکییەکان دەگرێتەوە.
لە خاڵێکدا ئاماژە بەوە کراوە، جارێکی تر بڕیار درا بە داشکاندنی 20٪ ی ئەو پارەیەی لای قوتابی ماوە، سەرباری داشکاندنی پێشتر کە بۆیان کراوە.
ئاماژە بەوەش دراوە ئەم داشکانە تەنیا بۆ ساڵی خوێندنی2023-2024ـە و دەبێ تا 5 ی 5 ی 2024، سەرجەم پارەکە بە یەک قیست بدەن بە زانکۆکانیان.