د. جێمس حەسدۆ هێدۆ، پەرلەمانتاری کۆتای مەسیحییەکانی دهۆک و ڕامی نووری سیاوش، پەرلەمانتاری کۆتای مەسیحییەکانی هەولێر، پیرۆزبایی گەورەترین فراکسیۆنی مەسیحییەکان لە پەرلەمان عێراق دەکەن، هاوكات پهیامێكیش بڵاو دهكهنهوه.
هەردوو پەرلەمانتار لە ڕاگەیەندراوێکدا دەڵێن: بەخۆشحاڵیی زۆرەوە، بڕیاری بەرپرسیارانەتانمان بۆ پێکهێنانی گەورەترین فراکسیۆنی مەسیحی لە پەرلەمانی عێراق پێگەیشت. بڕیارەکە بێگومان کاریگەری و ئەنجامی ئەرێنیی لە بەرژەوەندیی گەلی کلدان، سریان، ئاشووری و ئەرمەن دەبێت.
دەشڵێن: بە پەرلەمانتارانی فراکسیۆنی سویانا مەسیحی گەشبینین کە لە بەڕێزان (کلدۆ رەمزی و سامی ئوشانا و عیماد یوحەنا) پێک دێن و هیوای خێر و بەردەوامیان بۆ دەخوازین لە کارکردن بۆ دەرکردنی یاسای نوێ، هەمواکردنەوەی یاسا بەرکارەکان و چاودێریکردنی ڕژد لەپێناو گەرەنتیکردنی مافی گەلەکەمان.
ئەوەش هاتووە: بەهۆی گرنگییەوە بۆ هەماهەنگی و یەکخستنی هەوڵەکان، بە خۆشەویستییەکی برایانە، ئامادەیی خۆمان نیشان دەدەین بۆ کارکردنی هاوبەش لەنێوان پەرلەمانتارانی گەلەکەمان لە ئەنجومەنی نوێنەرانی عێراق و پەرلەمانی کوردستان-عێراق، بە شێوەیەک کە بەرژەوەندییە باڵاکانی گەلەکەمان و بەرژەوەندییە نیشتمانییەکان بەدی بهێنێت.