فیڵد مارشاڵ عاسم مونیر، فەرماندەی گشتیی سوپای پاکستان، لەگەڵ شاندێکی باڵای سیاسی و ئەمنیی پاکستانی “بۆ گەیاندنی پەیامی ئەمریکا و پلاندانان بۆ خولی دووەمی گفتوگۆکان” گەیشتە تاران و عەباس عێراقچی، وەزیری دەرەوەی ئێران، پێشوازیی لێ کردن.
بەپێی ڕاپۆرتی ئاژانسی هەواڵی سەدا و سیما لە ئیسلامئابادەوە، ئەم شاندە هەڵگری پەیامێکی نوێی واشنتۆنە بۆ تاران و بڕیارە لە کۆبوونەوەیەکدا لەگەڵ بەرپرسانی ئێرانی، تاوتوێی پرسی دانوستانەکانی داهاتوو بکەن.
ئەم ڕاپۆرتە لە زاری سەرچاوە پاکستانییەکانەوە ئاماژەی بەوە کردووە: ئەگەری بەڕێوەچوونی ئەم دانوستانانە لە ڕۆژانی داهاتوودا لە ئیسلامئاباد هەیە.