کییەر ستارمر، سەرۆکوەزیرانی بەریتانیا، گوتی: بۆ بەشداریکردنی بەریتانیا لە شەڕی دژی ئێراندا “تەسلیم”ی گوشارەکان نابێت.
لێدوانەکانی ستارمر دوای ئەوە هات دۆناڵد ترەمپ شەوی ڕابردوو لە چاوپێکەوتنێکدا گوتی: بڕگەکانی ئەو ڕێککەوتنە بازرگانییەی ئەمریکا و بەریتانیا ساڵی ڕابردوو واژوویان کرد، “هەمیشە ئەگەری گۆڕانکارییان هەیە”.
ستارمر لە کاتی قسەکردنیدا لە پەرلەمان، بە پەرلەمانتارانی گوت: “ئەمە شەڕی ئێمە نییە. گوشارێکی زۆرم خراوەتە سەر تاوەکوو ڕێڕەوێکی جیاواز بگرمە بەر؛ یەکێک لەم گوشارانە، ئەو ڕووداوە بوو شەوی ڕابردوو ڕووی دا”.
ناوبراو زیاتریشی گوت: “من بۆچوونی خۆم ناگۆڕم. من تەسلیم نابم. چوونە نێو ئەم شەڕەوە لە بەرژەوەندیی نەتەوەیی ئێمەدا نییە و ئێمە ئەم کارە ناکەین. من دەزانم هەڵوێستم چییە.”