ئاسایشی هەولێر رایگەیاند ، ئەو تۆمەتبارەی چەند مزگەوت و تەکیەیەکی شێواندبو دەستگیر کرا .
ئەمەش دەقی راگەیندراوەکەیە
دوای ئەوەی ئاگادار کراینەوە کەسێکی نە ناسراو لە درەنگانێکی شەودا، هەڵی کوتاوەتە سەر دوو مزگەوت و تەکیەیەک لە گەڕەکەکانی شاری هەولێر ، لە لایەن تیمەکانمانەوە دەست بە ئەنجامدانی بە دواداچون کرا و ناسنامەی تۆمەتەبارەکەمان ئاشکرا کرد.
دوای وەرگرتنی ڕەزامەندی بەڕێز دادوەری لێکۆڵینەوەی ئاسایشی هەولێر تۆمەتبارەکەمان دەستگیر کرد بەناوی ( ح ، ص ، م ).
جێگەی ئاماژەیە تۆمەتباری ناو هاتوو، هەمان ئەو تۆمەتبارەیە کە هەڵسابو بە شێواندنی گوڕستانی کریستیانەکان لە قەزای شەقڵاوە و قەزای کۆیە.
پەڕاوی لێکۆڵینەوەی ئاڕاستەی دادگا کراوە و لێکۆڵینەوە بەردەوامە.
بەڕێوەبەرایەتی ئاسایشی هەولێر
21 ی نیسانی 2026