وەزارەتی ناوخۆی عێراق،جەخت دەکاتەوە کە کارتی زانیاری هێشتا کاری پێدەکرێت و هەڵنەوەشاوەتەوە.
ئەمڕۆ 23ی نیسانی 2026، وەزارەتی ناوخۆی عێراق لە ڕاگەیەندراوێکدا بڵاوی کردەوە: “وەزارەتی ناوخۆ بەدواداچوون بۆ ئەو هەواڵانە دەکات کە لە هەندێک لە تۆڕەکۆمەڵایەتییەکاندا دەربارەی هەڵوەشاندنەوەی کارتی زانیاری بڵاوکراونەتەوە.”
ئاماژە بەوە دراوە: “جەخت دەکەینەوە کە کارتی زانیاری هێشتا پەسەند کراوە و لە هەموو فەرمانگە و دامەزراوە فەرمییەکاندا بە شێوەیەکی ئاسایی کارکردنی بەردەوامە و ئەوەی دەربارەی هەڵوەشاندنەوەی دەگوترێت هیچ بنەمایەکی نییە.”
ئاشکراشی کردووە: ” بەردەوامین لە جێبەجێکردنی پڕۆژەی نیشتەجێبوونی ئەلیکترۆنی، کە ئامانجی ڕێکخستن و بەدیجیتاڵکردنی داتاکانی نیشتەجێبوونە، وەک ئامادەکارییەک بۆ ئەوەی لە داهاتوودا لە ناو کارتی نیشتمانیی یەکگرتوودا یەکبخرێت.”