خشتەی پلەبەرزکردنەوەی ساڵانی 2022 بۆ 2024ی ئەفسەرانی وەزارەتی پێشمەرگە دەرچووە.
لیوا هۆشمەند ڕەشید، جێگری سوپاسالاری پێشمەرگە بۆ کاروباری ئیدارە و میرە، ڕایگەیاند: “خشتەی پلەبەرزكردنەوەی ئەفسەرانی وەزارەتی پێشمەرگە لە ساڵی 2022 بۆ 2024 دەرچووە و فەرمانەكە لە وەزارەتی پێشمەرگەیە و رێكارەكان تەواو كراون، ناوی ژمارەیەكی زۆریش لە ئەفسەران لە خشتەكەدا هەیە.”
بەپێی راگەیاندراوی فەرماندەی فەرماندەیی دەڤەری یەكی پێشمەرگە، فەرمانی خشتەی پلەبەرزکردنەوەی ئەیلوولی 2022 و نەورۆز و ئەیلوولی 2023 و نەورۆزی 2024ی ئەفسەران دەرچووە.
بەپێی ڕێنوێنییەكانی وەزارەتی پێشمەرگە، بەهۆی پلەبەرزكردنەوە مووچەی ئەو كەسانە زیاد دەبێت و ناونیشانی سەربازییشیان بەرز دەبێتەوە.
جێگری سوپاسالاری پێشمەرگە، جەختی كردەوە، پێشتر خشتەكە لە وەزارەتی پێشمەرگە بۆ ئەنجوومەنی وەزیران رەوانە كراوە و ئەوانیش بۆ سەرۆكایەتیی هەرێمی كوردستانیان ناردووە و مەڕسوومیان بۆ دەرچووە.
بەپێی یاسای وەزارتی پێشمەرگە، پلەبەرزكرنەوە و سەرمووچەی پێشمەرگە بە دوو خشتەی ساڵانە دەبێت كە پێی دەگوترێت خشتەی نەورۆز و ئەیلوول.